लहान ११, असार । सिरहाको लहान नगरपालिकाले आर्थिक बर्ष २०८०/०८१ का लागि १ अर्व भन्दा बढी बजेट ल्याएको छ । नगरपालिकाको १२ औं नगर सभामा नगर प्रमुख महेश प्रसाद चौधरीले १ अर्व १६ करोड २२ लाख ८ हजारको बजेट प्रस्तुत गरेका छन् ।
आगामी आर्थिक बर्षको लागि आयतर्फ आन्तरिक श्रोतबाट १० करोड २२ लाख ५६ हजार, नगद आ.ल्याबाट २५ करोड, समानिकरण अनुदान संघियतर्फ २० करोड १६ लाख, प्रदेशतर्फ १ करोड ५५ लाख ७६ हजार, सशर्त अनुदान संघीय सरकारको चालुतर्फ ३९ करोड ४४ लाख, सशर्त अनुदान संघीय पूँजीगततर्फ २६ लाख, विशेष अनुदान संघीय पूँजीगततर्फ २ करोड, विशेष अनुदान प्रदेश चालुतर्फ ३० लाख, संघीय समपुरक अनुदान पूँजीगत तर्फ ५० लाख, प्रदेश समपुरक अनुदान पूँजीगत तर्फ २० लाख, राजस्व बाँडफाँडतर्फ १६ करोड ५७ लाख ७६ हजार गरी जम्मा रु १ अर्व १६ करोड २२ लाख ८ हजारको अनुमानित बजेट प्रस्तुत गरेका हुन् ।
कस्तो योजना ल्याईएको छ ?
सांक्षिप्त विवरण
नगरपालिकाको मुख्य केन्द्र लहान बजारसंग सवै वडाहरुसंग जोड्ने मुख्य सडकका साथै नगरको ऐतिहासिक, धार्मिक र पर्यटकीय महत्वका स्थलहरुसंग जोड्ने सडकहरुलाई उच्च प्राथमिकता राखेर काम अगाडी बढाउने उल्लेख छ ।
आगामी आर्थिक बर्षमा १५ किलोमिटर पक्की सडक, ५ वटा वडा कार्यालयको भवन, राम मन्दिर, कब्रगाहा र आर्यघाटको लागि बजेट छुट्टयाएको छ ।
राष्ट्रिय अर्थतन्त्रको प्रमुख आधारको रुपमा रहेको कृषि क्षेत्रको आधुनिकिकरण, यान्त्रिकिकरण र व्यवसायिकरण गर्न तथा कृषि उपजको शीत भण्डार, ग्रेडीङ्ग, प्याकेजिङ्ग तथा ब्राडिङ्ग र वजारीकरण प्राथमिकताका साथ संचलन गरिने छ ।
महिला समुह समिति गठन गरी महिला विकासका आयआर्जन मुखी कार्याक्रमहरु संचालन गरिने छ । लैङ्गिक हिंसा निवारण कोषमा रकम छुट्टयाई सोही अनुरुप लैङ्गिक हिंसा पीडित प्रभावित छनौट गरी कार्यान्वयन गर्ने, विपन्न तथा गरिबलाई समुदायको लागि घर निर्माण, लहान नगर अस्पताल निर्माण, नगरमा एम्बुलेन्स सञ्चालन, गरिब, दलित र विपन्न परिवारलाई आँखा जाँच, ठाउँठाउँमा सिटि लाइट जडान, गरिब दलित विपन्न परिवारलाई स्वास्थ्य बीमा, ,सुत्केरी तथा गर्भवतिको लागि पोषण प्याकेज , पशु सेवा, युवा स्वरोजगार, महिला, बालबालिका तथा अपाङ्गता, सहकारी, आयुर्बेद, बजेटमा कृषि, स्वास्थ्य, शिक्षा, भौतिक पुर्वाधार, रोजगार, लक्षितवर्ग समुदायका उत्थानगर्ने खालका विभिन्न कार्यक्रमहरुलाई प्राथमिकतामा राखिएको प्रमुख चौधरीले बताए ।
नगर सभाको तस्विरहरु :
तपाईको ईमेल गोप्य राखिनेछ