लहान १७, कार्तिक । सिरहाको लहान नगरपालिका वडा नम्बर १ स्थित कृष्णटोलमा आज सरसफाइ कार्यक्रम संचालन गरिएको छ ।
मधेश प्रदेश सभा सदस्य ललिता दास, वडा नं. १ का वडा अध्यक्ष युगल किशोर चौधरी, लहान नगरपालिकाका सरसफाई संयोजक तथा वडा नं. ८ का वडा अध्यक्ष श्याम कुमार साह (भोरेभोरे), कार्यक्रम संयोजक (विज्ञ) महेश्वरी चौधरीको उपस्थितिमा फोहरमैला व्यवस्थापन सम्बन्धि जनचेतना मूलक कार्यक्रम समेत गरिएको कृष्णटोल विकास समितिका अध्यक्ष कुशेश्वर प्रसाद चौधरीले बताए। कार्यक्रममा लहान नगरपालिकाका सरसफाईकर्मी, स्थानीय बुद्धिजिवि, स्थानियबासी लगायतको समेत उपस्थिति रहेको थियो ।
लहान नगरपालिकाले १ देखि २४ वटै वडा सम्मका प्रत्येक टोलमा निरन्तर रुपमा कार्यक्रम संचालन गर्दै आईरहेको लहान नगरपालिकाका सरसफाइ सुपरभाईजर राकेश विसुन्केले जनाएको छ । उहाँले भन्नुभयो, ‘वडा कार्यालय, टोल सुधार समिति, स्थानीयबासी लगायत बुद्धिजिविहरुसंग छलफल गरि पालैपालो प्रत्येक टोलमा लहान नगरपालिका सरसफाइ ईकाईद्धारा निरन्तर रुपमा सरसफाइ कार्यक्रम संचालन हुँदै आईरहेको छ ।’
तपाईको ईमेल गोप्य राखिनेछ