काठमाडौं – बेलायती महारानी एलिजाबेथ द्वितीयाको निधनले आफु दुखी भएको पूर्वराजा ज्ञानेन्द्र शाहले बताएका छन् । ज्ञानेन्द्रको तर्फबाट उनका संवाद सचिव डा.फणिराज पाठकले शुक्रबार शोक सन्देश जारी गर्दै महारानी एलिजाबेथप्रति श्रद्धाञ्जली प्रकट गर्दै शोक सन्तप्त राजपरिवार, बेलायती सरकार एवं बेलायती जनताप्रति समवेदना प्रकट गरेका छन् ।
बिहीबार बेलायती महारानी एलिजाबेथको ९६ वर्षको उमेरमा निधन भएको थियो । सन्देशमा सात दशक राजगद्दीमा बसेर शालीन र उच्च राजकीय मूल्य निर्वाह गरेको र नेपालप्रति देखाएको अगाध आत्मियता स्मरण भइरहने उल्लेख गरेका छन् ।
महारानी एलिजाबेथ द्वितीयाप्रति श्रद्धाञ्जली प्रकट गर्दै शोक सन्तप्त राजपरिवार, बेलायती सरकार एवं बेलायती जनताप्रति हार्दिक समवेदना प्रकट गर्दछौँ साथै नेपालप्रति उहाँको अगाध आत्मियता पनि सदा उल्लेख्य छ सन्देशमा उल्लेख छ ।
पूर्वराजा ज्ञानेन्द्रले जारी गरेको शोक सन्देश :
संयुक्त अधिराज्यकी महारानी एलिजाबेथ द्वितीयाको निधनको खबर सुनेर हामीलाई दुःख लागेको छ । स्वर्गीय महारानी राजगद्दीमा ७ दशक अवधि विराज भएर उहाँले शालीन र उच्च राजकीय मूल्य निर्वाह गरिबक्सेको कुरा सदा स्मरणीय छ । साथै नेपालप्रति उहाँको अगाध आत्मियता पनि सदा उल्लेख्य छ ।
तपाईको ईमेल गोप्य राखिनेछ