लहान ३०, कार्तिक । ‘जनतासंग मेयर कार्यक्रम’ अन्तर्गत आज सिरहाको लहान नगरपालिका वडा नं. – २२ सिसवनी टोलमा मेयर महेश प्रसाद चौधरी पुगेका छन् ।
मेयर चौधरीले स्थानिय करिब सयौंजनासंग प्रत्यक्ष रुपमा संवाद गरेका हुन् । टोलमा के –के समस्याहरु छन् ? समस्या सामाधान गर्न नगरपालिकाकालाई के –के गर्नुपर्छ ? मेयर चौधरीले स्थानियहरुसंग प्रश्न गरेका थिए ।
जवाफमा स्थानियहरुले सडक मर्मत, पुरानो पोखरीमा बाउन्ड्री वाल निर्माणको कार्य, कृषि सडक निर्माण, पाँचुनाथ प्राथमिक विद्यालयमा भौतिक पुर्वाधारको काम, मन्दिर निर्माण, खेलकुद गर्ने फिल्ड मरोम्मत, दलित र थारु समुदायको बस्तिमा सामुदायिक भवन निर्माण लगायतको काम हुनुपर्ने नगर प्रमुखलाई सुनाएका थिए ।
जवाफामा नगर प्रमुखले बिस्तारै बिस्तारै हरेक समस्या सामाधान हुने प्रतिबद्धता व्यक्त गरे । नगरपालिकाको क्षेत्रफल ठुलो छ हरेक टोललाई हेर्नुपर्ने भएकोले चालु आर्थिक बर्षमा दुई तिनवटा प्रमुख योजना मागगर्न स्थानियहरुलाई प्रमुख चौधरीले आग्रह गरेका थिए । जसमा स्थानियले मन्दिर निर्माण, पुरानो पोखरीमा बाउन्ड्रीवाल निर्माण र सडक सुधारको काम प्रमुख प्राथमिकतामा रहेको सुनाए । प्राथमिकतामा रहेका कार्यहरु चालु आर्थिक बर्षमै संचालन हुने नगर प्रमुख चौधरीले प्रतिबद्धता व्यक्त गरे ।
त्यसैगरी फिल्ड मरोम्मत र कृषि सडकका लागि साँध सिमाना छुट्याउन मेयर चौधरीले स्थानियलाई भने । कृषि सडक र फिल्ड मरोम्मतको लागि बाटोको नाँपनक्सा / सिमाना फाईनल भएमा नगरपालिकाबाट जेसिबि तुरन्त पठाउने प्रमुख चौधरी स्थानियलाई आश्वासन दिए ।
बर्षैदेखि हिलामय हुने सिसवनी टोलमा गत आ.वा.मा पिसिसि ढलानको काम सम्पन्न भएकोले नगर प्रमुखलाई स्थानियहरुले धन्यवाद दिएका थिए । मेयरको घरदैलो कार्यक्रमको स्थानियहरुले प्रशंसा गर्दै आईरहेको छ ।
तस्विरः
तपाईको ईमेल गोप्य राखिनेछ