लहान २५, माघ । सिरहाको लहान नगरपालिका वडा नं. १७ एकरत्तिया टोलमा सुविधा सम्पन्न पिसिसि ढलान सहित नमुना सडक समुदयमा हस्तान्तरण गरिएको छ । आज एक औपचारिक कार्यक्रमको आयोजना गरी सो सडक विधिबत रुपमा समुदायमा हस्तान्तरण गरिएको हो ।
नगर प्रमुख महेश प्रसाद चौधरीले आफ्नो नगरपालिकालाई नमुना बनाउन पालिका सदरमुकाम देखि टाढा रहेको गाउँघरको बाटो घाटोलाई समेत नमुना बनाउनु पर्छ भन्दै यस चालु आथिर्क बर्षमा गाउँघरको टोललाई प्राथमिकतामा राखेर पिसिसि ढलानको कार्य तिब्र गतिमा अगाडी बढाईएको बताए । त्यहाँ करिब १ किलोमिटर लम्बाई, २१ फिट चौडाई र ६ ईन्च मोटाई भएको सडक निर्माण गरिएको सुनाए ।
उनले भने, ‘स्थानिय तहको निर्वाचनमा जनताले मलाई नगर प्रमुखको रुपमा निर्वाचित गरेपछि जनताको आवश्यक्ता बुभ्दै नगरको विकासमा लागेको छु । कतिपय योजना विभिन्न कारणले अड्किएको छ । त्यो योजनाहरु पनि केहिदिन भित्रै संचालनमा ल्याउँनेछु ।’ उनले नगरपालिकाको बजेट अपुग भएपछि थप बजेट संघीय र प्रदेश सरकारसंग माग गरेको बताउँदै प्रदेश र संघ सरकारको रकम प्राप्त भए पक्कि र कालोपत्रे सडक निर्माण कार्य नगरका विभिन्न भागमा दुर्त गतिमा अघि बढ्ने बताए । बर्षायाममा हिलो र सुख्खामा धुलो खेप्न बाध्य एकरत्तियाका सडकमा नमूना ढलान भएपछि स्थानियहरु खुसि भएका छन् ।
कार्यक्रममा वडा नं. ६ का वडा अध्यक्ष रमेश उपाध्याय, वडा नं. १२ का वडा अध्यक्ष बद्री नारायण चौधरी, कार्यक्रम संयोजक महेश्वरी चौधरी, ईन्जिनियर शत्रुधन प्रसाद चौधरी, ईन्जिनियर बिनोद अधिकारी, नेपाली काग्रेसका लहान नगर सभापति संजय यादव, लगायत स्थानियबासी र संचारकर्मीहरुको उपस्थिति रहेको थियो ।
तपाईको ईमेल गोप्य राखिनेछ