लहान ०७, बैशाख । सिरहाको लहान नगरपालिका वडा नं. – ४ स्थित रहेको खुट्टीखोलामा आर्याघाट निर्माण हुने भएको छ । नगर प्रमुख महेश प्रसाद चौधरी र उप–प्रमुख रामचलितर महतोले आज संयुक्त रुपमा आर्याघाटको विधिबत रुपले शिल्यानास गर्नुभयो ।
२ करोड ५० लाखको कुल लागतमा १८ महिना भित्र सम्पन्न हुने गरि आर्याघाट निर्माण गर्न सुर्य कुण्ड / गोपी कृष्ण जेभी काठमाण्डौले ठेक्का पाएको हो ।
मानवजातीको मृत्युवरण पश्चात भौतिक शरीरलाई व्यवस्थित रुपमा दाहसंस्कार गर्ने उदेश्यले करिब २ बिघा १० धुर क्षेत्रफल रहेको ऐलानी जग्गामा आर्यघाट निर्माण हुने प्रमुख चौधरीले बताए ।
‘आर्याघाट निर्माणमा विगतमा विवाद रहेको थियो, स्थानियबासीको सल्लाह अनुसार नै पुनः उक्त काम अगाडी बढाईएको हो’ भन्दै नगर प्रमुख चौधरीले भने ‘आर्याघाट निर्माण भएपछि जहाँतहाँ शवलाई जलाउने समस्याको सामाधान हुनेछ’, पार्क जस्तो आधुनिक मेसिन र दाउराबाट शवलाई जलाउने घाट बन्नेछ, जलेगर्दा वातावरण पनि स्वच्छ हुनेछ ।’
तपाईको ईमेल गोप्य राखिनेछ