लहान १०, वैशाख । सिरहाको लहान नगरपालिका वडा नं.–१० मा रहेको जनता मा.वि. बैरिया गुदिगाउँ विद्यालयले आज बिद्यार्थी भर्ना अभियान अन्तर्गत र्याली कार्यक्रम सम्पन्न गरेको छ ।
विद्यालय कार्यक्षेत्र भित्र आज विहान करिब ४ घण्टा विद्यार्थी भर्ना अभियान कार्यक्रम संचालन गरिएको विद्यालय व्यवस्थापन समितिका अध्यक्ष उमेश कुमार विशुन्केले जानकारी दिनुभयो ।
सेभ द् चिल्ड्रेनको सहयोगमा नेपाल छात्रवृत्ति कार्यक्रम / परियोजना अन्तर्गत नेपाल राष्ट्रिय समाज कल्याण संघ शाखा कार्यालय लहान, सिरहाले कार्यक्रमको लागि आयोजकको रुपमा समन्वय र सहकार्य गरेका थिए । साथै संस्थाले कार्यक्रम संचालन गर्नका लागि आर्थिक तथा प्राविधिक सहयोग समेत गरेको संस्थाका जिल्ला शाखा सिरहा अध्यक्ष मोहन पासमानले बताए ।
र्याली कार्यक्रम भन्दा अगाडी संस्थाले शिक्षक, अभिभावक र विद्यालय व्यवस्थापन समितिका पदाधिकारीहरुसंग अन्तरक्रिया कार्यक्रम समेत संचालन गरेको संस्थाका जिल्ला कार्यक्रम अधिकृत बरिसलाल मोचीले जनाएका छन् ।
र्याली कार्यक्रम मार्फत विद्यार्थी भर्ना अभियान सम्बन्धी विद्यार्थी, अभिभावक लगायत लक्षित वर्ग समुदायले जनकारी पाएपछि उनिहरुमा थप उर्जा प्रदान भएको थियो ।
सरकारको लक्ष्य अनुरुप २०८१ बैशाख ३ गते देखि हरेक सामुदायिक विद्यालयहरुमा विद्यार्थी भर्ना अभियान सुरु गरिएको छ । २०८१ बैशाख ३१ सम्म निःशुल्क रुपमा कक्षा १ देखि कक्षा ९ सम्मका विद्यार्थी भर्ना गरिनेछ ।
ईन्सेक प्रतिनिधि दुर्गा परियार , विद्यालयका प्रधानाध्यापक रंगलाल साह लगायत १ सय ५० जना विद्यार्थी सहित विद्यालयका सम्पूर्ण शिक्षक र अभिभावकहरुको र्याली कार्यक्रममा सहभागिता रहेको थियो ।
तस्बिर :
तपाईको ईमेल गोप्य राखिनेछ