लहान ३०, फाल्गुन । सिरहाको अर्नमा गाउँपालिकामा मंगलवार बाख्रा वितरण गरिएको छ । आई.एन.एफ.युकेको आर्थिक सहयोगमा वडा नं. २, ३ र ४ को १० वटा सम्बाद केन्द्रको २५ जना किशोरीहरुलाई प्रति व्यक्ति २ वटाको दरले बाख्रा वितरण गरेको हो । ३ लाख ७५ हजारको कुल लागतमा ५० वटा बाख्रा खरिद गरिएको सहास नेपालका कृषि अधिकृत नविन अधिकारीले बताउनुभयो ।
आशा परियोजना मार्फत सहयोगी हातहरु सहास नेपालको सहजिकरण र अर्नमा गाउँपालिको सहकार्यमा पालिका भित्र कार्यक्रम लागु छन् ।
गाउँपालिका अध्यक्ष अशोक कुमार यादव, प्रमुख प्रशासकीय अधिकृत द्रोपती कुमारी यादव, वडा नं. – ३ का वडा अध्यक्ष महेश कुमार यादवले संयुक्त रुपमा बाख्रा वितरण गरेको थियो ।
कार्यक्रममा बोल्दै गाउँपालिका अध्यक्ष यादवले भन्नुभयो, ‘बाख्रा वितरण कार्यक्रमले विपन्न परिवारको किशोरीहरुको अध्ययन अध्यापनमा ठुलो मद्दत पुग्ने विश्वास व्यक्त गर्नुभएको छ । उहाँले बाख्रा पालन किशोरी विधार्थी भाई बहिनीको आम्दानीको श्रोत भएको बताउँदै आशा परियोजना मार्फत गाउँपालिकामा संचालित कार्यक्रमहरु पुर्णरुपमा पारदर्शी रहेको बताए । आशा परियोजना मार्फत सहास नेपालका कार्यक्रमहरु थप वडाहरुमा संचालन गर्न समेत उनले जोड दिए ।,
तपाईको ईमेल गोप्य राखिनेछ