लहान २७ , पौष । लहान नगरपालिका–१६ आदिमारमा पुस १७ गते जंगली हात्तीको आक्रमणबाट १० वटा घरमा क्षति पुगेको छ। हात्तीको आतंकबाट गोपाल बहादुर थापामगर, जाल बहादुर थापामगर, हरी बहादुर थापामगर, राम बहादुर थापामगर, सन्तोष गौतम, भुपालराम दियाली, रमेश दियाली लगायत १० परिवार प्रभावित भएका थिए।
हात्तीको आक्रमणपछि उनीहरू बिचल्लीमा परेका थिए। नगरपालिकाबाट सहयोग प्राप्त भएपछि पीडित परिवार खुसी भएका छन्।
आज नगर प्रमुख महेश चौधरीले घटनास्थलको स्थलगत निरीक्षण गर्दै नगरपालिकाको तर्फबाट राहत वितरण गरेका छन्। राहतस्वरूप प्रत्येक पीडित परिवारलाई ५०–५० किलो चामल प्रदान गरिएको छ भने वृद्धवृद्धा पीडितहरूलाई फाइबर सिरक सहयोग गरिएको छ।
त्यसैगरी, क्षतिग्रस्त घर मर्मतका लागि प्रति परिवार १०–१० हजार रुपैयाँ नगद उपलब्ध गराइने नगर प्रमुख चौधरीले जानकारी दिएका छन्।
तपाईको ईमेल गोप्य राखिनेछ