लहान ०२, वैशाख । लहान नगरपालिका उप – प्रमुखबाट आफुहरु पटक पटक अपमानित भएको भन्दै नगर प्रमुख महेश प्रसाद चौधरी र उप–प्रमुख रामचलितर महतोलाई आज पालिकामा कार्यरत कर्मचारीहरुले संयुक्त रुपमा ज्ञापन पत्र बुझाएका छन् ।
स्थानीय सरकार सञ्चालन ऐनले तोकेको कार्यक्षेत्र भन्दा बाहिर गएर लहान नगरपालिकाका उपमेयर महतोले कर्मचारी र शिक्षकहरुलाई अभद्र व्यवहार गर्न थालेपछि आजित भएर आन्दोलन गर्नुपर्ने बाध्यता सृजना भएको उनिहरुले बताएका छन् ।
सोमबार कार्यालयको समयमा प्रमुख प्रशासकीय अधिकृत सुभद्रा गौतमको कार्यकक्षमा नै गएर उपमेयर महतोले रकम लेनदेनको झुठा, तथ्यहिन आरोप लगाएको कर्मचारी स्रोतबाट बुभिएको छ । कर्मचारी शिक्षकहरुले मगंलबार ज्ञापन पत्र बुझाउँदै आरोप प्रमाणित गर्न वा प्रमाणित गर्न नसके सम्पूर्ण आरोप लगाएका शब्दहरु अबिलम्ब फिर्ता लिन अनुरोध गरेको छ ।
विद्यालयका शिक्षक, नगरपालिकाका शाखाका कर्मचारीहरुलाई उपमेयरबाट पटक पटक अपमानजनक व्यवहार भइरहेको ज्ञापनपत्रमा उल्लेख छ । यसैबीच, ज्ञापन पत्र बुझेपछि तत्कालै कार्यपालिका बैठक बोलाएको मेयर महेश चौधरीले जानकारी गराए । कर्मचारी र शिक्षकहरुको मागलाई कार्यापालिका बैठकबाट निक्र्यौल गर्ने उनले सुनाए ।
कार्यापालिका बैठकबाट उचित निर्णय नभए थप आन्दोलित हुने कर्मचारीले बताएका छन् । आन्दोलनबाट पर्ने असुविधाको जिम्मेवारी उपमेयर महतोले लिनुपर्ने उनीहरुले सुनाए ।
ज्ञपान पत्रमा के के लेखेका छन् ? यो पनि पढनुस् ।
तपाईको ईमेल गोप्य राखिनेछ