लहान २३, जेष्ठ । नेपाल पत्रकार महासंघ सिरहा शाखाको लहानमा सम्पर्क कार्यालय स्थापना भएको छ । लहान नगरपालिकाको बोर्डको बैठकबाट लहान – ५ स्थित रहेको नागरिक सचेतना केन्द्रको निर्मित भवन महासंघलाई प्रदान गरेको छ । नगर प्रमुख महेश प्रसाद चौधरीको प्रमुख आतिथ्यमा महासंघलाई विधिवत रुपमा भवन हस्तान्तरण गरिएको महासंघका सिरहा जिल्ला सभापति मनोज बनैता यादवले बताए । उनले भने, ‘जिल्ला शाखा सिरहा सदमुकाममा रहेपनि लहानमा सम्पर्क कार्यालयको भवन नहुँदा पत्रकारहरुलाई बैठक, पत्रकार सम्मेलन लगायत अन्य कार्यक्रमहरु गर्न समस्या भैरहेको थियो । अब सो समस्या पुर्ण रुपमा सामाधान भएको छ ।’
यसैबिच संगिता कर्माचार्य स्मृति प्रतिष्ठानका अध्यक्ष समेत रहेको नगर प्रमुख चौधरीले जिल्लाका पाँच जना पत्रकारलाई उत्कृष्ट पत्रकारिता पुरस्कारबाट सम्मानित गरेको छ । नयाँ पत्रिकाका लहान संवाददाता मणिलाल विश्वकर्मा, महासंघका कोषाध्यक्ष विरेन्द्र प्रसाद नेपाल, शेख मिडिया हाउस तथा सरगम एफ एमका संचालक फिरोज शेख, इजोर दैनिक पत्रिकाका सम्पादक धर्मेद्र पासवान र नेत्र दैनिक पत्रिकाका पत्रकार महेश सिंहलाई सम्मानित गरेको हो ।
प्रति संचारकर्मीलाई नगद रु १० हजार र प्रशंसा पत्र सहित सम्मानित गरेको छ । नगर प्रमुख चौधरीको श्रीमत्ी संगिता कर्माचार्य कोरोनाको समयमा राहत बाड्दा बाँड्दै स्वयम् संक्रमित भएर २०७८ जेष्ठ २२ गते उपचारको क्रममा झापाको बिएन सि अस्पतालमा निधन भए । त्यतिबेला चौधरीले आफुसंगै राहत बाँड्नेकार्यमा सहयोग गरेका संचारकर्मीलाई नगद रु ५० हजार पुरस्कार दिने प्रतिबद्धता जनाएका थिए । त्यहि प्रतिबद्धता स्वरुप पत्रकारलाई सम्मानित गरेको बताए ।
नगर प्रमुख नहुँदै चौधरीले विपन्न परिवारमा करोडौं बराबरको राहत बाँडेका थिए । र, नगर प्रमुख भैसक्दा समेत उनि हाल सम्म समाजसेवाका विभिन्न कार्यक्रमहरु गर्दै आईरहेका छन् । उनले प्रत्येक महिनाको २२ गतेका दिन विपन्न परिवारलाई प्रत्यक्ष फाईदा हुने खालका विभिन्न राहत/ सहयोगका विभिन्न कार्यक्रमहरु समेत गर्दै आईरहेको छ । कार्यक्रममा नेपाल पत्रकार महासंघ सिरहाका निवर्तमान सभापति दिनेश्वर प्रसाद गुप्ता, लहान नगरपालिकाका प्रवक्ता रमेश गौतम, वडा नम्बर – ७ का वडा अध्यक्ष रामऔतार शर्मा, जिल्लाका विभिन्न मिडियाका संचारकर्मीहरुको उपस्थिति रहेको थियो ।
फोटो हेर्नुस् ।
तपाईको ईमेल गोप्य राखिनेछ