सिरहा ०२, असोज । लहान नगरपालिकाले कबड्डी खेलाडीहरुलाई विदाई तथा सम्मान गरेको छ । नगर प्रमुख महेश प्रसाद चौधरी र उप–प्रमुख रामचलितर महतोले उनिहरुलाई विदाई तथा सम्मान गरेका हुन् ।
दशैं तिहार तथा छठपर्वको उपलक्ष्यमा शिवशक्ती युवा कल्वको आयोजना तथा धनुषा जिल्ला कबड्डी संघको सहयोगमा धनुषाको महेन्द्रनगरमा ३ दिने मधेश प्रदेश स्तरीय महिला कबड्डी प्रतियोगिता संचालन हुने भएको छ ।
सिरहा जिल्ला कबड्डी संघका अध्यक्ष बिरेन्द्र यादव (विरु) को नेतृत्व तथा पहलमा सिरहाबाट १० जना महिला कबड्डी खेलाडीहरु प्रदेश स्तरीय कबड्डी खेलमा सहभागिता जनाउन गएको श्रोतबाट बुझिएको छ ।
विदाई कार्यक्रममा लहान नगरपालिकाका शिक्षा शाखा प्रमुख अमिरी यादव, कार्यक्रम संयोजक महेश्वरी चौधरी, समाजसेवी प्रल्हाद सापकोटा लगायतको उपस्थिति रहेको थियो ।
फोटो
तपाईको ईमेल गोप्य राखिनेछ