लहान ०१, पौस । सिरहाको लहान नगरपालिका वडा नम्बर – ११ स्थित रहेको सृजना सामुदायीक पुस्तकालयमा शनिबार सरोकारवालाहरुसंगको बैठक कार्यक्रम सम्पन्न भएको छ । रिड नेपालको सहयोगमा संचालित व्यवहारीक सामुदायिक सामाधान कार्यक्रम र दियो परियोजना अन्तर्गत सरोकारवालाहरुसंगको बैठक कार्यक्रम सम्पन्न गरिएको आयोजक सृजना सामुदायिक पुस्तकालयका सह – सचिव धर्मराज चौधरीले बताउनुभयो ।
नगर उप – प्रमुख रामचलितर महतोको प्रमुख आतिथ्यमा संचालित बैठकमा सामुदायिक सामाधान कार्यक्रमका साथै दियो कार्यक्रमको प्रभावकारीता बारे सरोकारवालाहरुसंग जानकारी लिई अगामी दिनमा साझेदारी संस्थासंग काम गर्दा कसरी कार्यक्रम संचालन गर्ने सो मुख्य उदेश्य सहित सरोकारवालाहरुसंगको बैठक कार्यक्रमको आयोजना गरिएको रिड नेपालका कार्यक्रम अधिकृत साजन थापाले बताए ।
बैठक कार्यक्रममा उपस्थित सहभागीहरुले रिड नेपालद्वारा संचालित कार्यक्रमले लक्षित वर्ग समुदायमा साकारत्मक प्रभाव पारेको हँुदा यस कार्यक्रम निरन्तर रुपमा संचालन गरिनुपर्नेमा जेड दिएका थिए । रिड नेपालले सन् २००५ सालदेखि नै सृजना सामुदायीक पुस्तकालयको भवन निर्माण कार्यमा सहयोग गरेको साथै पुस्तकालयमा विभिन्न सामग्री सहयोग गर्दै आईरहेको रिड नेपालका सिनियर फिल्ड कोर्डिनेटर एल.बि. भण्डारीले जनाएको छ ।
रिड नेपालले लहान नगरपालिकाका वडा ११, १२, १३ र १४ कार्यक्षेत्र बनाई कामकाज गर्दै आईरहेको छ । दैनिक ज्यालादारी गरिरहेका अतिविपन्न ९० घरधुरीका विपन्न बालबालिकालाई सिलाई कटाई तालिम, युवाहरुका लागि कम्प्यूटर तालिम, क्षमता विकास तालिम, नेतृत्व विकास तालिम, बालबालिकाहरुलाई स्कुल भर्ना, महिलाहरुका लागि साक्षरता कक्षा, मजदुरहरुको वैकल्पिक आम्दानीका लागि उधमशिलता सिपमुलक तालिमहरु संचालन गर्दै आईरहेको छ । उनिहरुका लागि बचत तथा ऋण कार्यक्रम समेत संचालन गरेका छन् । जसमध्ये ५४ घरधुरीले बैकल्पिक आय आर्जनका क्रियाकलापहरु संचालन गरि जिविकोपार्जन गरिरहेका छन् ।
दियो कार्यक्रमले वैदेशिक रोजगारको क्षेत्र काम गरिरहेको भने यस कार्यक्रमको मुख्य उदेश्य सके सम्म विदेश नजाने जानैपर्दा सुरक्षित साथ विदेश पठाउने रहेको रिड नेपालले जनाएको छ ।
पुस्तकालयका अध्यक्ष खड्क नारायण चौधरीको अध्यक्षतामा संचालित बैठक कार्यक्रममा पुस्तकालयका सचिव अरबिन्द कुमार चौधरीले औपचारिक रुपमा उदघोषण गरेका थिए ।
कार्यक्रममा राजनैतिक दलका प्रतिनिधि, लहान नगरपालिकाका शिक्षा शाखाका प्रतिनिधि, सामी परियोजनाका प्रतिनिधी, ईलाका प्रहरी कार्यालय लहानका प्रतिनिधी, समाजसेवी, बुद्धिजीवी लगायत संचारकर्मीहरुको उपस्थिति रहेको थियो ।
अगामी दिनमा सृजना सामुदायिक पुस्तकालयद्धारा संचालित कार्यक्रममा लहान नगरपालिकाको तर्फबाट सदैब सहयोग र सहकार्य हुने नगर उप– प्रमुख महतोले प्रतिबद्धता व्यक्त गर्नुभएको थियो ।
तपाईको ईमेल गोप्य राखिनेछ