लहान ३, कार्तिक । सिरहाको स्थानीय तहमा २०७४ भन्दा पुर्व र हालसम्म कार्यरत रहेका अस्थायी तथा करार कर्मचारी आन्दोलनको तयारी गरेका छन् ।
मधेस प्रदेश सरकारले २०८१ भदौ ७ गतेमा ल्याएको स्थानीय सेवा (गठन तथा संचालन) ऎन, २०८१ को विरुद्ध उनीहरुले आन्दोलनको तयारी गरेका हुन् । उक्त ऎन आफुहरुको हकहितमा नभएको भन्दै आज जिल्ला समन्वय समितीको सभाहलमा जिल्लाका अस्थायी तथा करार कर्मचारीहरुले ऎन विरुद्ध संघर्ष समिती गठन गरि आन्दोलनको थालनी गरेका हुन् ।
अस्थायी सेवामा कार्यरत मनोज कुमार यादव संयोजक रहनेगरी ३५ सदस्यीय समिती गठन गरेको छ । सह संयोजकमा – विनोद कुमार सुनुवार, कोषाध्यक्ष- सर्मिला कुमारी चौधरी, सचिव – राम उदगार यादव, सह सचिव – निलम कुमारी चौधरी, सदस्यहरुमा राजगिर यादव, सुरेश चोरवार, कृष्णदेव यादव लगायत चयन भएका छन् ।
त्यसैगरी आन्दोलनलाई सशक्त बनाउन ११ सदस्यीय सल्लाहकार समिती समेत गठन गरेको छ । सल्लाहकार समितिमा महेन्द्र प्रसाद यादव, राज नारायण यादव, रंजित सिंह, संजय मरबैता लगायत चयन भएको हो ।
उक्त ऎन विरुद्ध सामुहिक रुपमा उठेका मागहरु पत्रकार सम्मेलन मार्फत छिट्टै सार्वजनिक गरिने संघर्ष समितिका संयोजक मनोज कुमार यादवले बताए ।
तपाईको ईमेल गोप्य राखिनेछ