राजविराज । सप्तरीको रुपनी गाउँपालिकामा आईतबार राति भएको आगलागीमा ६ जनाको घर जलेको छ । आगलागीले झण्डै रु १६ लाख बराबरको क्षति भएको छ ।
रुपनी गाउँपालिका वडा नम्बर १ रायपुर बस्ने अनिलनारायण यादवको गोठ घरमा लामखुट्टे धपाउन बालिएको घुरबाट आगलागी भएको प्रहरीले जनाएको छ ।
आगलागीले उनको गोठसहित सोही ठाउँका रामबिलास यादवको गोठ घर, मायाराम यादवको फुसको घर, तेज नारायण यादवको फुसको घर, गंगा राम यादवको जस्ताले छाएको घर र नागेन्द्र यादवको जस्ताले छाएको घर जलेको छ ।
आगलागीबाट अनिलनारायण यादवको रु ४ लाख, रामबिलासको रु २ लाख २० हजार, मायारामको रु २ लाख ५० हजार, तेजनारायणको रु ६ लाख ६२ हजार, गंगारामको रु १० हजार र नागेन्द्रको रु १० हजार बराबरको क्षति भएको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए ।
आगोलाई स्थानीयबासी, प्रहरी, राजविराज तथा मधेश प्रदेश तालिम केन्द्र जनकपुर सम्पर्क कार्यलाय राजविराजको दमकलको सहयोगमा निभाइएको थियो ।
तपाईको ईमेल गोप्य राखिनेछ