लहान ०३, फाल्गुन । सिरहाको लहान नगरपालिका वडा नम्बर – २२ बर्छवा टोलमा मंगलबार आगलगी भएको थियो । दिउँसो ४ बजे अचानक भएको आगलागीबाट स्थानीय श्यामसुन्दर मण्डल र विपतिया मण्डलको २ वटा घर जलेर पुर्णरुपमा नष्ट भएको हो ।
कुनै किसिमको मानवीय क्षति नभएपनि घरमा रहेको खाधान्य, लत्ताकपडा , नगद २५ हजार जलेर नष्ट भएको पीडित परिवारले सुनाए । अनुमानित १ लाख ५ हजारको धनमाल नष्ट भएको स्थानीय समाजसेवी ओम प्रकाश चौधरीको भनाई छ ।
आगलागीबाट पीडित भएकाे जानकारी पाउनासाथ स्थलगत रुपमा राहत लिएर नगर प्रमुख महेश प्रसाद चौधरी पुगेका थिए ।
दुवै पीडित परिवारलाई ५०/५० किलाे चामल, ५/५ किलाे दाल, नुन, तेल र ५ हजार नगद सहयोग गरेको छ । घर बनाउन जस्तापाता उपलब्ध गराउने मेयर चौधरीले प्रतिबद्धता गरे ।
स्थानीय वडा अध्यक्ष श्याम कुमार अधिकारी , बुद्धिजीवी , समाजसेवी, संचारकर्मीको रोहवरमा राहत प्रदान गरिएको थियो । पीडित परिवारलई वडाबाट पनि सहयोग प्रदान गरिने वडा अध्यक्ष अधिकारीले प्रतिबद्धता गरेको छ ।
तपाईको ईमेल गोप्य राखिनेछ