लहान १२, असोज । संघीय निजामती ऐन संशोधनको माग गर्दै लहान नगरपालिकाका कर्मचारीहरु आन्दोलित बनेका छन् ।
संसदमा पेश हुने तयारीमा रहेको संघीय निजामती ऐन प्रति असन्तुष्ट जनाउँदै उनीहरु आन्दोलित भएको स्थानीय तह कर्मचारी संघर्ष समिति लहानका संयोजक रामकृष्ण महतोले बताए ।
विरोध स्वरुप आज लहान नगरपालिकाका कर्मचारीहरुले कार्यालय परिसरमा विरोधको कालो ब्यानर सहित दवाव मूलक कार्यक्रम गरेका छन् । यसअघि उनीहरुले नगरपालिकाका नि. प्रमुख प्रशासकीय अधिकृत प्रकाश साह हलुवाईलाई ज्ञापन– पत्र समेत बुझाएका थिए ।
के – के छन् संघीय निजामती सेवा ऐनमा समावेश गर्नुपर्ने उनीहरुको माग ?
– संघीय निजामती ऐनको सट्टा एकिकृत निजामती ऐन जारी गरिनु पर्ने ।
– स्थानीय तहको प्रमुख प्रशासकीय अधिकृतको पद स्थानीय सेवाको नै रहने व्यवस्था गरिनु पर्ने ।
– निजामतीको परिभाषा भित्र स्थानीय तहका कर्मचारीहरुलाई समेत समेटिनु पर्ने ।
– विना सहमति ७५३ स्थानीय तहमा चक्रिय प्रणालीमा सरुवा गरिनु पर्ने ।
– समायोजनका कर्मचारीहरुको उचित व्यवस्थापन गरिनु पर्ने ।
– तिनै तहका कर्मचारीहरुको समान वृद्धि विकासको व्यवस्था गरिनु पर्ने ।
– स्थानीय तहमा कार्यरत कर्मचारीहरुको कर्मचारी कल्याण कोषको अनिवार्य व्यवस्था गर्नु पर्ने ।
– निजामती अस्पतालबाट प्राप्त हुने सेवा सुविधा उपल्बध गराउनु पर्ने ।
– जुनसुकै तहको विज्ञापनमा उमेर हद नलाग्ने र सेवा अवधि जोडिने व्यवस्था गरिनु पर्ने ।
– स्थानीय सेवाका कर्मचारीहरुलाई ट्रेड युनियनको अधिकार प्रदान गरिनु पर्ने ।
– अस्थायी तथा करार कर्मचारीहरुको उचित व्यवस्थापन गरिनु पर्ने ।
तपाईको ईमेल गोप्य राखिनेछ