लहान १९, असोज । सिरहा जिल्लाको लहान नगरपालिकावडा नं.–२२ सिसवनी टोलमा जितिया मेलाको सम्पुर्ण तयारी पुरा भएको छ ।
लहान नगरपालिकाका नगर प्रमुख महेश प्रसाद चौधरीले प्रमुख अतिथिको रुपमा उक्त मेलाको औपचारीक रुपमा शनिवार विहान करिब ११ बजे समुदघाटन गर्ने भएको मेला समिति अध्यक्ष काशिराम चौधरीले बताए ।
उहाँले भन्नुभयो, ‘मेलामा जितमहान बाबाको मुर्ती स्थापना गरिएको छ, भने मेलामा विभिन्न सांस्कृतिक कार्यक्रमहरुको आयोजना समेत गरिएको बताउनुभयो ।’
यसैबिच आज सयौको संख्यामा स्थानीय महिलाहरु कलश यात्रामा सहभागी भएका थिए । सिसवनी टोलको जितमहान चौकबाट करिब ३ सयको संख्यामा बाजागाजा सहित निकालिएको कलश यात्राले सलहेश फुलवारीमा जल भरेर फेरी सोही चौकको जितमहान मन्दिरमा स्थापित गरेको स्थानीय युवा निशान्त चौधरीले बताए ।
सन्तानको दिर्घ जिवन, पुत्र/पुत्री प्राप्ति तथा पारिवारिक सुख शान्तिका लागि थारु लगायत तराई मधेशका विभिन्न जातजातीले मनउने जितिया पर्वको आफनो छुट्टै धार्मिक तथा सांस्कृतिक महत्व रहेको बुढापाखाहरु बताउँछन् ।
तस्विरहरु :
तपाईको ईमेल गोप्य राखिनेछ