लहान १६, असोज । सिरहाको लहान नगरपालिकाका कर्मचारीले हातमा कालोपट्टी बाँधेर सरकारको विरोध जनाई रहेका छन् ।
आफ्नो माग सम्बोधन हुने गरी संघीय निजामती विधेयक ल्याउन दबाब दिँदै आज मंगलवार स्थानीय तहमा कार्यरत कर्मचारीहरुले हातमा कालोपट्टी बाँधेका हुन् ।
आन्दोलनरत कर्मचारीले मंगलबार विहान १० बजे देखि साँझ ५ बजेसम्म आठ घण्टा हातमा कालोपट्टी बाँधेर कार्यालयमा कामकाज गरिरहेका छन् ।
आफुहरुको माग सम्बोधन नभए चरणबद्ध रूपमा कालोपट्टी बाँधेर आन्दोलन गर्ने र सरकारले बेवास्ता गरे ‘पेन डाउन’ गर्ने स्थानीय तह कर्मचारी सङ्घर्ष समिति लहानका संयोजक रामकृष्ण महतोले जनाएको छ ।
यस्तो छन् उनीहरुको माग । यो पनि पढनुस् ।
संघीय निजामती ऐनको सट्टा एकिकृत निजामती ऐन जारी गरिनुपर्ने, स्थानीय तहको प्रमुख प्रशासकीय अधिकृतको पद स्थानीय सेवाको नै रहने व्यवस्था गरिनुपर्ने, निजामतीको परिभाषा भित्र स्थानीय तहका कर्मचारीहरुलाई समेत समेटिनु पर्ने, विना सहमति ७५३ स्थानीय तहमा चक्रिय प्रणालीमा सरुवा गरिनुपर्ने, अस्थायी तथा करार कर्मचारीहरुको उचित व्यवस्थापन गरिनु पर्ने, सङ्घ, प्रदेश तथा स्थानीय तह गरी तीनै तहका कर्मचारीलाई समावेश गरिनुपर्ने, सेवा सुविधा समान गर्ने, सबै तहमा सरुवा हुनुपर्ने, प्रदेशबाट संघमा जान नपाउने प्रावधान खारेज गर्नुपर्ने, स्वास्थ्य सेवा समान हुनुपर्ने, बढुवा समान, अन्तर प्रदेश सरुवा, स्थानीय तहका अधिकृत प्रमुख प्रशासकीय अधिकृत हुन पाउनुपर्ने, तालिममा विभेद गर्न नपाउने लगायतको माग राखेर उनीहरू आन्दोलनमा उत्रिएका हुन् ।
तपाईको ईमेल गोप्य राखिनेछ