लहान ०४, कार्तिक । सिरहाको धनगढीमाई नगरपालिका वडा नं.– ११ बस्ने प्रदिप कुमार ठाकुर आफु हालसम्म पनि क्षतिपूर्ति नपाएको गुनासो गरेका छन् ।
निज निवासमै पत्रकार सम्मेलनको आयोजना गरि उनले भने, ‘हेटौडा – ढल्केवर –इनरुवाको ४ सय केभीको डबल सर्किट प्रसारण लाईनले आफ्नो घर छेउबाटको मार्गाधिकार भित्रैबाट प्रसारण लाईन लगेपनि आफु हालसम्म पनि क्षतिपूर्ति नपाएको सुनाए ।’
उहाँले भन्नुभयो, ‘१७ धुर जगगामा मेरो दुई तल्ले घर छ । मेरो घरको करिब आधिभाग भन्दा बढी क्षेत्रफलको घर / जग्गा प्रसारण लाईनले ओगटेका छन् । नियममा प्रसारण लाईन पुगेको जग्गा ओगटेको पोल भन्दा दुवैपट्टी २३/२३ मिटर चौडाईसम्म कसैको जग्गा वा घर परेमा मुआब्जा दिने प्रावधान छन् । मेरो उक्त घर र जग्गा त्यै क्षेत्रफल भित्र परेपनि क्षतिपूर्ति हालसम्म नपाएको दुःखेसो पोखेका छन् ।’
‘म अन्यायमा परेको छु । न मलाई प्रसारण लाईनले क्षतिपूर्ति दिईरहेको छ । न त बैंकले घरको मुल्याङ्कन / नविकरण नै गर्छ । मैले यो घर बैंकमा बन्दकी राखेर करिब १ करोड ३२ लाख ऋण लिएको छु । ऋण तिर्न बैंकले मलाई बारम्बार ताकेता गर्छ । प्रसारण लाईनले मुआब्जा दिएन भने मैले बैंकको ऋण कसरी चुक्ता गर्ने ? उनले भने ।’
प्रसारण लाईन पुग्ने बित्तिकै बैंकले मेरो जग्गाको भ्यालुवेशन कम गरिदिएको छ । मैले न्याय पाउनका लागि नापी कार्यालय, जिल्ला प्रसाशन कार्यालय, जिल्ला प्रहरी कार्यालय र सम्बन्धित कार्यालयहरु धाएको छु । हालसम्म कहि कतैबाट न्याय नपाएको दुखेसो पोखेका छन् । ‘प्रसारण लाईनका योजना प्रमुख श्याम यादवले तपाँईले मुआब्जा पाउनु हुन्छ भनेर सुरु सुरुमा आश्वासन दिनुहुन्थ्यो तर हालमा आलटाल गरिरहेको सुनाए ।’
कितः प्रसारण लाईनले घर / जग्गाको मुआब्जा तिरिदियोस् कितः मुआब्जा दिएन भने लाईनको रुट परिवर्तन गरिदिन हुन पत्रकार सम्मेलन मार्फत उनले समन्धित निकाय समक्ष माग गरेका छन् ।
तपाईको ईमेल गोप्य राखिनेछ