सिरहा, १६ वैशाख । पूर्व पश्चिम लोकमार्ग अन्तर्गत लहानको बिच सडकमा रहेको शहिद स्मारकलाई स्थानान्तरण गरिने भएको छ । २०६३ मधेश आन्दोलनका शहिद रमेश महतो, बेचन यादव, प्रमोद सदाय, विजय कुमार सहनी, मोहम्मद अनिसको शालिक हटाईने भएको छ ।
सोमबार लहान नगरपालिकामा सम्पन्न सर्वदलिय /सर्वपक्षिय बैठकबाट त्यस्तो सहमति भएको नगर प्रमुख महेश प्रसाद चौधरीले बताए । यसअघि शहिद स्मारक हटाउने बिषयमा विवाद हुँदै आएका थिए ।
सहमति अनुसार शहिद स्मारक निर्माणधिन स्थानबाट करिब दुई सय मिटर दक्षिणतर्फ अपस्थित तरकारी बजारको सिंग्राही मटियर्वा सपिङ्ग कम्पल्ेक्स भवनको अगाडी स्थानान्तरण गरिने भएको छ ।
बैठकमा सिरहाका प्रमुख जिल्ला अधिकारी विश्व प्रकाश अर्याल, नेपाली कांग्रेसका पूर्व सांसद तथा राज्यमन्त्री पदम नारायण चौधरी, जिल्ला समन्वय समिति सिरहाका सभापति दिनेश कुमार महतो, जिल्ला प्रहरी कार्यालय सिरहाका एसपी अन्नतराज शर्मा, शस्त्र प्रहरीका एसपी नरेश भण्डारी, नेपाली कांग्रेसका नेता रामसुन्दर चौधरी, नेपाली कांग्रेसका नगर सभापति संजय कुमार यादव, जसपा नेपाल लहानका नगर अध्यक्ष राम उदगार महतो, जनमत पार्टीका सुभाष जयसवाल लगायत सरोकारबालाहरुको उपस्थितिमा त्यस्तो सहमति भएको हो ।
पूर्व पश्चिम लोकमार्गलाई कञ्चनपुर–कमला सडक विस्तार तथा स्तरोन्नतिका लागि चिनियाँ निर्माण कम्पनी ‘चाइना रेलवे–२ इञ्जिनियरिङ ग्रुपले ठेक्का पाएर विगत चार वर्षदेखि काम गरिरहेको छ । सहमति जुटेसँगै लहान बजारको मुख्य चौकमा ६ लाईनको सडक, फ्लाइओभर ब्रिज र अन्डरपास संरचना लगायतका सडक विस्तार तथा स्तरोन्नतिको काम तीव्रगतिमा विकास हुने निर्माण कम्पनीले जनाएको छ ।
तपाईको ईमेल गोप्य राखिनेछ