संजय विश्वकर्मा/साझाखोज
लहान १३,फागुन । लहान नगरपालिका नगर प्रमुख महेश प्रसाद चौधरी र उदयपुरको लिम्चुङबुङ गाउँपालिकाका अध्यक्ष मेजर कुमार राई विच शिष्टाचार भेटघाट भएको छ ।भेटघाटको क्रममा दुवैजना बिच पर्यटक क्षेत्रलाई संरक्षणगर्नुका साथै व्यपार व्यवसायलाई टेवा पुर्याउने विषयमा संवाद भएको छ ।
पर्यटनको नयाँ गन्तब्यको रुपमा परिचित उदयपुरको लिम्चुङबुङ गाउँपालिकाका प्राकृतिक रुपमा सौन्दर्य छन् ।त्यहाँबाट विश्वको सबैभन्दा अग्लो शिखर सगरमाथा नजिकै देखिन्छन् । भने, लहान नगरपालिका सगरमाथा अञ्चलकै प्रमुख व्यापारी केन्द्रको रुपमा परिचीत छन् ।
मेयर चौधरी र लिम्चुङबुङ गाउँपालिका अध्यक्ष राईबीच सिरहाको लहानबाट काभ्रेपानी हुुदै नेपालटार–लिम्चुुङबुुङ–हलेसी जोड्ने पर्यटकीय सडकको विशेष चर्चा भएको थियो । लहानबाट करिब ८० किलोमीटर नजिकमा पर्ने सो पालिका संग यातायातको सुविधा भएमा लहानको व्यापार व्यसाय फस्टाउने सम्भावना देखने भएकोले सहकार्य र समन्वयका लागि कुराकानी गरिएको थियो ।
मेयर चौधरीले सहकार्य र समन्वय गर्न आफू तयार रहेको बताए । लहानबाट लिम्चुङबुङ हुदै हेलेसी करिब ८० किलोमिटर मात्र दुुरी पर्ने अध्यक्ष राईले सुनाए । जवकी अहिले लहानबाट मिर्चैया– कटारी हुुदै हलेसी पुुग्न १५५ किलोमिटर दुुरी छ । यो दुरी झण्डै दोब्बर हो, उनले भने ।
लिम्चुुङबुुङ एभरेष्ट भ्यूटप अति रमणीय स्थल रहेको र त्यहाँबाट सगरमाथा लगायत ८ हजार माथिको ६ वटा हिमाल दृष्यावलोकन गर्न सकिन्छ। त्यहाँबाट देखिने सुुर्योदय नेपालकै उत्कृष्ट किसिमको देखिन्छ ।
सडक विस्तार भएमा तराई र पहाडको संस्कृतिको विकासको साथै पर्यटन क्षेत्रको विकास हुने र खासगरी सिरहा , सप्तरी लगायत भारतको विहार र आसपासका पर्यटकलाई सगरमाथा / हलेसीको दर्शन र यात्रा गराउन सकिने सम्भावनाको आँकलन गरिएको छ ।अध्यक्ष राईले प्रत्यक्षरुपमा अवलोकन गर्न मेयर चौधरीलाई निम्तो दिए ।
तपाईको ईमेल गोप्य राखिनेछ