लहान २४, चैत | सिरहाको लहान नगरपालिका – ७ स्थित रहेको विद्यापति भानुभक्त वाचनालयको आज विधिवतरुपमा समुद्वघाटन गरिएको छ ।पुर्व मेयर मुन्नी साहले २०७८ चैत्र २१ गते कुनै किसिमको विधि र प्रकृया नपुगाई वाचनालयको उद्वघाटन गरेको लहान नगरपालिकाका वर्तमान नगर प्रमुख महेश प्रसाद चौधरीले सुनाए ।
ठेक्का कम्पनीले नगरपालिकालाई भवन हस्तान्तरण नगरे पनि पुर्व मेयर साहले २०७९ को स्थानीयतहको निर्वाचनको अचार संहिता लागू हुनुभन्दा केहीदिन अगाडि हतार / हतारमा समुद्वघाटन गर्नु भएको भन्दै उहाँले भन्नुभयो, “पुर्व मेयरले उदघाटन गरेको समयमा ठेक्का कम्पनीले सम्झौता अनुसारको काम सम्पन्न गरेको थिएन, न त कम्पनीले पलिकालाई नवनिर्मित भवन जिम्मा दिएको थियो । हालमा मात्र ठेक्का कम्पनीले नवनिर्मित भवन पालिकालाई जिम्मा दिएपछि कार्यपालिकाको बैठकको निर्णय अनुसार हामिले वाचनालयको सम्पुर्ण सेवाहरु सुचारु गर्न विधिवत रुपमा उद्वघाटन गरेका छौं, प्रष्ट पारे ।”
भवन निर्माण गर्न कबिन्द्र इभान्स इसान जेभी ललितपुरले २०७८ मंसिर ६ मा ठेक्का पाएका थिए । ३ करोड ७ लाख ७९ हजार ३ सय ११ रुपैया ४३ पैसामा ठेक्का सम्झौता भएको थियो । कम्पनीले हाल सम्म १ करोड ९२ लाख ८६ हजार ३ सय ५४ रुपैया ७४ पैसा रकम नगरपालिकाबाट भुक्तानी पाईसकेका छन् ।
तपाईको ईमेल गोप्य राखिनेछ