लहान ३१, भदौ। सिरहाको लहान नगरपालिका वडा नं.– ३ मा रहेको कवर्डहलको सर– सामानहरु अवैधानिक तवरले बिक्री गरेको खुलेको छ ।
जिल्ला खेलकुद विकास समिति सिरहा अन्तर्गत कराते प्रशिक्षकको रुपमा कार्यरत राजेश गुप्ताले लहान – ३ स्थित रहेको आयुष कवाडीमा उक्त सर– समानहरु बेचेको आरोप छ । करिब १५ बर्ष देखि कवर्डहल नजिक थनकाएर राखिएको खेलकुदको सामग्रीहरु फलामको टयान्कर (दुई थान) र मेन ढोकामा लाग्ने ग्रिलगेट (एक सेट) अवैधानिक तवरले प्रशिक्षक गुप्ताले आफनो व्यक्तिगत स्वार्थ पुर्तिगर्न बेचेको हिम कस्तुरी युवा कल्व लहानका अध्यक्ष शभ्भु चौधरीले बताए ।
जिल्ला खेलकुद विकास समितिद्धारा कवर्डहल संचालित रहेकोले उक्त सर– समानहरु समितिको कार्यालय मातहतमा रहेका थिए । यता खेलकुद विकास समिति सिरहाका कार्यालय प्रमुख अरविन्द कुमार यादवले मलाई यस विषयमा अनौपचारिक रुपमा जानकारी भएको संचारकर्मीलाई सुनाए ।
उहाँले भन्नुभयो, ‘सरकारी कार्यालयको मातहतमा रहेको सर–समानहरु नियमानुसार बिक्री वितरण गर्नुपर्ने थियो । बिक्री गरिएको सर– समानहरुको हामी खोजिनीति गरिरहेको बताउनुभयो ।,
यसैबिच कराते प्रशिक्षक राजेश गुप्ताले उक्त सर–समानहरु खेलकुद विकास समिति सिरहाको मातहतमा नभएर ठेकेदारको मातहतमा रहेको टेलिफोन मार्फत संचारकर्मीलाई सुनाए ।
तपाईको ईमेल गोप्य राखिनेछ