लहान २८, पौस । सिरहाको अर्नमा गउँपालिकामा आशा परियोजना अन्तर्गत संचालित कार्यक्रमको बार्षिक समिक्षा कार्यक्रम सम्पन्न भएको छ । सहयोगी हातहरुको समूह सहास नेपालको आयोजना तथा अर्नमा गाउँपालिकाको सहकार्यमा शुक्रवार कार्यक्रम सम्पन्न भएको हो ।
उक्त संस्थाले पालिका भित्रका वडा नं. २, ३ र ४ कार्यक्षेत्र बनाई अति सीमान्तकृत दलित कृषक परिवारका किशोरकिशोरीहरुको सीप सशक्तिकरण विकास गर्न शिक्षा, जीवन उपयोगी सीप प्रशिक्षण, समुदायमा स्वास्थ्य सुधारका लागि पहलहरु, लिजहोल्ड खेतीको माध्यमबाट समावेशी, दिगो जीविकोपार्जन सुधार लगायतका कार्यक्रमहरु संचालन गर्दै आईरहेको छ ।
ईन्टरनेशनल नेपाल फेलोसिपको आर्थक सहयोगमा संचालित कार्यक्रम पालिका भित्र ओक्टबर २०२२ देखि सेप्टेम्बर २०२५ सम्म संचालन भैरहेको सहास नेपालका कृषि अधिकृत नविन अधिकारीले जानकारी दिनुभयो ।
बार्षिक समिक्षा कार्यक्रममा संस्थाले एक बर्ष भित्र समुदायमा संचालन गरेको बजेट, कृयाकलाप र खर्चको आय ब्यय विवरण प्रस्तुत गरेका थिए । संस्थाले समुदायमा कार्यक्रम संचालन गर्दा भएका परिर्वतन उपलब्धि तथा चुनौतीहरुको बारेमा सरोकारबालाहरुलाई जानकारी गराएका थिए ।
गाउँपालिका अध्यक्ष अशोक कुमार यादवको अध्यक्षता तथा उपाध्यक्ष सोभा कुमारी साहको विशिष्ठ आतिथ्मा कार्यक्रम संचालन गरिएको थियो । सम्बाद केन्द्रको माध्यमले बालबालिकाहरुले सामाजिक बिकृति न्यूनिकरण गर्ने खालका बालबिबाह, महिला हिंसा, जातिय भेदभाव लायतका अन्य जनचेतना मूलक कायक्रमहरु संचालन गर्दै आईरहेको हो ।
संस्थाले गृह वाल क्लबबाट संचालित टिउसन काक्षा पनि संचालन गरेको छ भने दलित बालबालिकाहरुलाई विद्यालयमा नियमित र सिकाईमा आधारीत कार्यक्रमहरु समेत निरन्तर रुपमा संचालन गरिरहेको छ । सामाजिक कुप्रथा विरुद्ध सचेतना अभियान, सेनिटरी प्याड बनाउने तालिम र सामग्री सहयोग, सुधारीएको चुलो सहयोग, खानेपानी फिल्टर सहयोग, संवाद ग्रजुएट फोरम गठन, नेतृत्व तथा संस्थागत विकास तालिम, समुह अवधारण तालिम, करार खेती, अर्गनिक तरकारी उत्पादन तालिम, तरकारीको विउ सहयोग, गड्यौला मल उत्पादन, जैविक मल गोठ सुधार, कृषि औजार सहयोग, सोलार सिचाई, शिप विकास तथा व्यवसाय योजना निर्माण तालिम लगायतका कार्यक्रमहरु संचालन गरिरहेको छ ।
कार्यक्रममा अर्नमा गाउँपालिकाका वडा नं. ४ का वडा अध्यक्ष शिवशंकर यादव, वडा नं. २ का वडा अध्यक्ष दिपेन्द्र कुमार यादव, वडा नं. ३ का वडा अध्यक्ष महेश यादव, प्रमुख प्रशासकीय अधिकृत द्रोपती यादव, स्वास्थ्य शाखा प्रमुख विनोद प्रधान, कृषि शाखा प्रमुख प्रमुख गोरख प्रसाद यादव, सामाजिक विकास शाखाका प्रमुख जगविर यादव, पशु विकास शाखाका शाखा प्रमुख कमलेश यादव, महिला तथा वालबालिका शाखाका राजिव यादव, ईलाका प्रहरी कार्यालय अनर्माका प्रमुख बैजनाथ यादव लगायतका उपस्थिति रहेको थियो ।
कार्यक्रमा बोल्ने अधिकांसले संस्थाले सिमान्तकृत दलित समुदायमा सकारात्मक कामकाजहरु संचालन गरेकोमा खुसी व्यक्त गरेका थिए । अगामी दिनमा पालिका भित्रको बाँकी वडामा समेत कार्यक्रम संचालन गर्नुपर्नेमा उनिहरुको जोड रहेको थियो ।
संस्थाद्धारा गठित संवाद केन्द्रका दलित समुदायका किशोरीहरुको क्षमता विकास भएको साथै उनिहरुको आफ्ना मनमा लागेका कुराहरु अरु समक्ष राख्न सक्ने भएकोमा उपस्थित सरोकारबालाहरु खुसी भएका थिए ।
तपाईको ईमेल गोप्य राखिनेछ