लहान १, भदौं । लहान नगरपालिकाका पूर्व नगर प्रमुख मुनी साहको पालोमा लहान – १० स्थित खुट्टीखोलामा निर्माण गरिएको हेडवक्र्सलाई सञ्चालन गर्न कठिनाई रहेको लहान नगरपालिकाका नगर प्रमुख महेश प्रसाद चौधरीले बताउनुभएको छ ।
प्रमुख चौधरीले भन्नुभयो, ‘मधेश प्रदेश सरकारले करिब नौ करोड रुपियाँको लगानीमा किसानहरुलाई सहज रुपमा सिचाँई गर्न हेडवक्र्स निर्माण गरेका थिए ।
नवनिर्मित योजना मधेस सरकारको सम्बन्धित कार्यालयले नगरपालिकालाई हस्तान्तरण गरिसकेको छैन् । नहरको पानी लहान नगरपालिका वडा नम्बर – १० स्थित रहेको मन्दिर छेउबाट पश्चिम हुँदै बगाउने भनेर जे. एस. क्याम्पस नजिक कल्भर्ट पनि निर्माण भईसकेको छ । यसै नहरमा ग्रामीण चौकदेखि दक्षिण तिर लहानका पूर्व मेयर साहले नहरलाई पक्की बनाउने योजना सञ्चालन गरेका थिए ।
त्यसमा ठेक्का पनि लाग्यो । काम पनि केही भयो तर, स्थानीयवासीले काम राम्रो नभएको भनिरहे तरपनि निर्माण कम्पनीले काम गरिरहे । काम पुरा नहुँदै एक तिर बनाउँदै अर्कोतिर भत्किँदै गयो । त्यसका अवशेषहरु अहिले पनि छदैछ । अख्तियारमा मुद्दा छ । मुद्दाका कारण नगरपालिकाले भत्केको कामलाई पुरा गर्न मिल्दैन । ठेकेदार पनि फरार छन् ।’
केही अप्ठ्यारोहरु
स्रोत अनुसार यो नहर वर्षाै पहिले निर्माण भएको हो । त्यतिवेला र अहिलेको भौगोलिक अवस्था फेरिएको छ । भु–बनोट परिवर्तन भएको छ । पहिले खोलाको पानी नहरमा सजिल्यौ पुग्थ्यो । अब झन अप्ठयारो बनेको छ । भौतिक संरचनाहरु ग्रामीण चौकको मन्दिर, पूल भत्काउनै पर्ने वा कुनै विकल्प खोज्नुपर्ने स्थिति छ ।
जसको लागि तत्कालै करोडौँ रुपैयाँ बजेट चाहिन्छ । लहानका केही वस्ती नहरकै जग्गामा बसेको छ । त्यहाँ वस्ती नै खाली गराउनुपर्छ । पूर्व मेयर साहको पालामा निर्माण भइरहेको अधुरो संरचना अख्तियारबाट फस्र्यौट नभए सम्म हटाउन वा निर्माण गर्न नमिल्ने भएको छ ।
जानकार व्यक्ति, इन्जिनियरबाट योजनाको गहिरो अनुसन्धान, डिजाईन हुनुपर्छ । तर पानी खेतमा पुगाउन नहर पनि छ । कतै कतै नहर पुरेर व्यक्तिहरुले अतिक्रमण गरी खेत र घडेरी बनाइसकेको छ । त्यो अतिक्रमण हटाउनुपर्छ । खुट्टी खोलाको पानी नहरहुँदै किसानहरुको खेतमा पुगाउन सकियो भने धेरै नै राम्रो हुन्छ । पानी पुग्दा उब्जनी र आम्दानी बढ्नेछ ।
स्रोत : The Truth
तपाईको ईमेल गोप्य राखिनेछ