लहान २२, श्रवण । नेपाल सरकारका कार्यवाहक प्रधानमन्त्री तथा सहरी विकास मन्त्री प्रकाशमान सिंहले नवनिर्मित व्यापारीक भवनको उद्घाटन गरेका छन् । प्रधानमन्त्री सिंहले लहान नगरपालिकाका मेयर महेश प्रसाद चौधरीलाई औपचारिक रूपमा भवन हस्तान्तरण गरेका थिए । लहान नगरपालिका वडा नं. ६ र ७ स्थित सो भवन निर्माण गरिएको हो ।
एक विशेष समारोहका बीच आज आयोजित कार्यक्रममा मन्त्री सिंह प्रमुख अतिथि रूपमा उपस्थित थिए भने लहान नगरपालिकाका मेयर महेश प्रसाद चौधरी, प्रमुख जिल्ला अधिकारी विश्वप्रकाश अर्याल, नेपाली कांग्रेस मधेस प्रदेश महामन्त्री उपेन्द्र यादव, नेपाली कांग्रेस पार्टीका जिल्ला अध्यक्ष रामचन्द्र यादव, जिल्ला उद्योग वाणिज्य संघ लहानका अध्यक्ष विकास सारडा, सुरुङ्गा नगरपालिकाकी मेयर गीता चौधरी लगायत विशिष्ट अतिथिहरूको उपस्थिति रहेको थियो ।
भवन हस्तान्तरणसँगै स्थानीयस्तरमा व्यापारिक गतिविधि थप सुदृढ हुने विश्वास व्यक्त गरिएको छ ।
कार्यक्रमको आयोजना सहरी विकास तथा भवन निर्माण विभाग, सघन सहरी तथा भवन निर्माण आयोजना, सप्तरीले गरेको थियो । समारोहको अध्यक्षता सहरी विकास मन्त्रालयका सचिव गोपाल प्रसाद सिग्देलले गरेका थिए ।
स्थानीय विकासमा सरकारी संरचनात्मक लगानीका माध्यमबाट नगरको समृद्धिमा टेवा पुर्याउने उद्देश्यका साथ उक्त भवन निर्माण गरिएको बताइएको छ ।
तपाईको ईमेल गोप्य राखिनेछ