सिरहा १७, फागुन । निर्वाचन आचारसंहिता पालना गर्दै नेपाली कांग्रेस सिरहा निर्वाचन क्षेत्र नम्बर–१ क्षेत्रीय समितिद्वारा २०८२ फागुन १८ गते सोमबार आयोजना गर्न लागिएको होली मिलन कार्यक्रम स्थगित गरिएको छ।
क्षेत्रीय सभापति तथा लहान नगरपालिकाका नगर प्रमुख महेश प्रसाद चौधरीले सामाजिक सञ्जालमार्फत उक्त जानकारी दिनुभएको हो। उहाँका अनुसार आसन्न निर्वाचनलाई ध्यानमा राख्दै जारी आचारसंहिताको पूर्ण पालना गर्न कार्यक्रम स्थगित गरिएको बताइएको छ। यस निर्णयले आम मतदाता लगायत पार्टीका नेता कार्यकर्ता , आम समुदाय, सुभचिन्तकहरुले स्वागत गरेका छन् ।
यसैबीच, जिल्ला प्रशासन कार्यालय सिरहाले पनि होली पर्व निर्वाचनको मुखमै परेको उल्लेख गर्दै मर्यादित र शान्तिपूर्ण रूपमा घरमै बसेर होली मनाउन सबैमा अनुरोध गरेको छ। प्रशासनले जारी गरेको सूचनाको पालना गर्न आम नागरिक तथा राजनीतिक दलहरूलाई आग्रह गरिएको छ ।
तपाईको ईमेल गोप्य राखिनेछ