सिरहाको लहान नगरपालिका वडा नं. – ८ मा आज एकदिने आँखा जाँच शिविरको उदघाटन भएको छ । नगर प्रमुख महेश प्रसाद चौधरीले उक्त शिविरको उदघाटन गरेको आयोजक सगरमाथा आँखा अस्पतालले जनाएको छ ।
शिविर संचालन गर्न नगरपालिकाले आर्थिक सहयोग व्यहोर्ने गरि सगरमाथा चौधरी आँखा अस्पताल बिच सम्झौता भएको थियो, ‘सोहि अनुरुप हाल सम्म नगरपालिकाको विभिन्न वडाको करिब ४ सय नगरवासीलाई मोतियाबिंदको शल्यक्रिया भैसकेको प्रमुख चौधरीले बताए ।’
आँखाका विभिन्न विरामी लगायत मोतियाबिंदबाट पिडित भएका लक्षितवर्ग अन्तर्गतका विपन्न परिवार, दलित, गरिबलाई सेवा गर्ने उदेश्यले संचालित कार्यक्रममा वडा अध्यक्ष श्याम साह (भोरेभोर), स्थानिय समाजसेवी बुद्धिजिवि लगायतको सहभागिता रहेको थियो ।
तपाईको ईमेल गोप्य राखिनेछ