महोत्तरी १६, जेठ । महोत्तरीको महोत्तरी गाउँपालिका स्थित एनएमबि बैंकको शाखामा कर्मचारी र ग्राहकलाई बन्धक बनाएर करिब ४० लाख रुपैयाँ लुटपाट गरिएको छ ।बैंकको सो शाखाबाट मंगलबार दिउँसो साढे १२ बजेको समयमा करिब ४० लाख रुपैयाँ लुटपाट भएको हो । प्रहरीका अनुसार चारजनाको समूहमा आएका लुटेराले बैंकबाट सो रकम लुटेर लगेका हुन् ।
सीसीटिभीमा देखिएको फुटेजमा लुटेराहरू चारैैजनाको हातमा बन्दुक देखिन्छ । उनीहरूले बैंकमा रहेका ग्राहक र कर्मचारीमाथि फिल्मी शैलीमा बन्दुक देखाएर सबैलाई बन्धक बनाई रकम लिएर फरार भएको महोत्तरीका प्रहरी प्रमुख प्रहरी उपरीक्षक प्रकाश मल्लले जानकारी दिए । सीसीटिभीमा चारजना लुटेरा देखिए पनि लुटपाटमा अन्यको पनि संलग्नता हुनसक्ने प्रहरीले जनाएको छ । घटनाबारे विस्तृत विवरण आउन बाँकी रहेको छ ।
तपाईको ईमेल गोप्य राखिनेछ