लहान ३०, साउन । लहान नगरपालिकाका नगर प्रमुख महेश प्रसाद चौधरीले प्रादेशिक अस्पताल लहान सिरहाको छड्के अनुगमन गरेका छन् ।
प्रादेशिक अस्पताल लहानले कसरी सेवा प्रवाह गरेको छ ? कर्मचारीहरु के– कति छन् ? सेवा प्रवाह गर्दा आईपर्ने बाधा / चुनौती लगायतको बारेमा प्रमुखले स्थलगतरुपमा जानकारी लिएको नगर प्रमुखका स्वकीय सचिव शंकर कुमार बाँनियाले बताउनुभयो ।
सरकारी अस्पतालको स्वास्थ्य सेवालाई विश्वसनियताका साथै प्रभावकारी बनाउन ग्रामिण भेगको जनताहरुलाई सरकारले दिएको निः शुल्क स्वास्थ्य सेवाबाट बञ्चित नगरी छिटो र सहजरुपमा सेवादिन प्रमुख चौधरीले निर्देशन दिए । अस्पतालले कुनैपनि निर्णयगर्दा स्थानिय सरकारसंग समन्वय गरी अगाडी बढ्न उनले आग्रह गरे ।
अनुगमनगर्ने क्रममा अस्पतालको थप सेवा विस्तारका लागि लहान नगरपालिकाबाट हुने सहयोग गर्न आफु सदैब तयार रहेको प्रमुख चौधरीको भनाई रहेको थियो ।
तपाईको ईमेल गोप्य राखिनेछ