लहान ०६, भदौं । अख्तियार दुरुपयोग अनुसन्धान आयोग बर्दिबासको टोलीले नापी कार्यालय लहानका अमिन दिपरन्जन यादवलाई नगद १० हजार रुपैयाँ घुस सहित पक्राउ गरेको छ ।
लहान — १ स्थित कार्यलयबाट आज करिब साढे १२ बजे पक्राउ गरेको हो । जग्गाको लालपुर्जाको लागि सेवाग्रहीसंग रुपौयाँ माग गरेको सुचनाको आधारमा यादवलाई अख्तियारको टोलीले रंगेहात पक्राउ गरेको हो ।पक्राउ परेका यादवलाई नियन्त्रणमा लिएर थप अनुसन्धानका भैरहेको अख्तियार दुरुपयोग अनुसन्धान आयोग बर्दिबासका कार्यालय प्रमुख राम वहादुर कुरुम्वाङले बताए ।
जिल्ला सिरहा लहान नगरपालिका वडा नं. — १७ एकरतिया, हरिपुरका सेवाग्राहीसंग गाउँ बल्कको १ कठ्ठा ५ धुर जग्गा दुई भागमा कित्ताकाट गरि जग्गाधनी पुर्जा बनाउन अमिन यादवले ४० हजार रुपैयाँ मागेका थिए । बार्गेनीङ्ग गरि १० हजार रुपैयाँ लिने टुङ्गो लागेका थिए ।
पक्राउ परेका यादव सप्तरी जिल्ला रुपनी गाउँपालिका वडा नं. — १ निवासी हुन् । उनि नापी कार्यालय लहानमा करीब १५ बर्षदेखि करार सेवामा कार्यरत रहेको बुझिएको छ ।
तपाईको ईमेल गोप्य राखिनेछ