लहान ०८, पौस । महेश प्रसाद चौधरी हाल लहान नगरपालिकाका नगर प्रमुख (मेयर) हुन् । उनी २०७९ को स्थानीयतहको निर्वाचनमा २०,१०५ मत ल्याई विजयी प्राप्त गरेका थिए । निर्वाचित भएपछि उहाँले लहान नगरपालिकाको प्रशासन तथा विकासका कार्यक्रमहरू संचालनमा समेत सहज र सरल तवरते नेतृत्व गर्दै आएका छन् ।
निर्वाचित भएपछि उहाँले भौतिक पूर्वाधार अन्तर्गत नगरभित्रका सडक ढलान, कालोपत्रे तथा नाला निर्माण खानेपानी विस्तार, धारा जडान तथा सरसफाइ योजनाहरू वडा–वडामा भवन, सामुदायिक भवन, खेलमैदान निर्माण / स्तरोन्नति शिक्षा क्षेत्र अन्तर्ग सामुदायिक विद्यालयहरूको भौतिक सुधार (कक्षाकोठा, शौचालय, घेराबार)शिक्षाको गुणस्तर सुधारका लागि शिक्षक व्यवस्थापन एक कक्षा एक शिक्षक भर्ना, ट्युशन कक्षा संचालन र शैक्षिक सामग्री सहयोग विद्यार्थीहरूका लागि छात्रवृत्ति तथा प्रोत्साहन कार्यक्रम लागु गरेका छन् । स्वास्थ्य सेवा विस्तार अन्तर्गत नगर स्वास्थ्य संस्था तथा स्वास्थ्य चौकीको सुदृढीकरण , निःशुल्क आँखा स्वास्थ्य शिविर, खोप तथा मातृ–शिशु स्वास्थ्य कार्यक्रम राहत वितरण र व्यवस्थापन लगायतको कामकाज गरेको छ ।
सुशासन र सेवा प्रवाह अन्तर्गत नगरपालिकामा सेवा प्रवाहलाई छरितो र पारदर्शी बनाउने प्रयास डिजिटल प्रणाली, दर्ता–चलानी, कर संकलन सुधार जनप्रतिनिधि र कर्मचारीलाई जनमुखी सेवामा केन्द्रित गराउने पहल लगायतको कार्यहरु गरेका छन् । आर्थिक तथा सामाजिक विकास कार्यक्रम अन्तर्गत सीपमूलक तालिम (सिलाइ–कटाइ, स्वरोजगार कार्यक्रम) महिला, दलित, युवा तथा विपन्न वर्गका लागि आयआर्जन कार्यक्रम स्थानीय व्यापार र बजार व्यवस्थापनमा ध्यान सरसफाइ तथा वातावरण फोहोरमैला व्यवस्थापन, सरसफाइ अभियानहरियाली प्रवद्र्धन, सार्वजनिक स्थान संरक्षण लगायतको कामकाज गरेको नगर प्रमुखको निजि सचिवालयले जनाएको छ ।
विगतमा चौधरी कुनै औपचारिक (सार्वजनिक) पद वा जिम्मेवारीमा नरहेपनि समाजसेवामा निरन्तर सक्रिय रहँदै आएका उदाहरणीय व्यक्तित्वका रूपमा परिचित छन् । विशेषगरी कोरोना महामारीको कठिन समयमा उहाँले देखाएको मानवीय सहयोग र सेवाभाव स्थानीयस्तरमा अत्यन्तै प्रशंसनीय बनेको थियो ।
कोरोनाकालमा आम नागरिकहरू रोजगारीविहीन भई दैनिक जीवनयापनमै कठिनाइ भोगिरहेका बेला समाजसेवी चौधरीले करोडौं रुपैयाँ बराबरको चामल, नुन, तेललगायत अत्यावश्यक खाद्यान्न सामग्री विपन्न, मजदुर, दलित तथा असहाय परिवारहरूलाई वितरण गर्नुभएको थियो । राहत सामग्री वितरण गर्दा उहाँले निस्वार्थ भावनाले सेवा गरेका थिए ।
चौधरीले संकटको समयमा मात्र होइन, सामान्य अवस्थामासमेत सामाजिक कार्य, विपद् व्यवस्थापन, गरिब तथा पिछडिएका वर्गको सहयोगमा निरन्तर योगदान दिँदै आउनुभएको छ। पद, प्रतिष्ठा वा राजनीतिक स्वार्थभन्दा माथि उठेर समाजसेवामा समर्पित उहाँको योगदानले धेरै युवाहरूलाई पनि प्रेरणा दिएको छ।
स्थानीय बासिन्दाहरूका अनुसार, “महेश चौधरी जस्ता समाजसेवीहरूले नै समाजमा मानवता जीवित राखेका छन्।” पदमा नभए पनि सेवामा अग्रसर उहाँको कार्यले समाजमा सकारात्मक सन्देश फैलाईएका थिए । फलस्वरुपः उहाँ २०७९ को निर्वाचनमा अत्याधिक मत ल्याई नगर प्रमुख पदमा विजय प्राप्त गरेका थिए ।
कोरोना महामारीको कठिन समयमा निरन्तर राहत सामग्री वितरणमा सक्रिय रहँदै आएका तत्कालिन समाजसेवीको रुपमा परिचित चौधरीले त्यहीँ कालखण्डमा आफ्नी धर्मपत्नी संगिता कर्माचार्यलाई गुमाउनुपरेको पीडादायी घटना पनि भोग्नुपर्यो । समाजसेवामा समर्पित रहँदा व्यक्तिगत दुःखलाई समेत पछाडि राखेर उनले नागरिकको सेवामा आफूलाई निरन्तर समर्पित गर्दै आएका थिए ।
तपाईको ईमेल गोप्य राखिनेछ