लहान, १९ चैत्र । सिरहाको लहानमा एक युवकको निधन भएको छ । एकै परिवारका ३ / ४ जनाको कुटाईबाट गम्भीर घाईते भएका लहान – ८ निवासी २१ वर्षीय हरिभजन मण्डलको मृत्यु भएको हो ।
मण्डल लहान – ७ स्थित प्रिया जेनरल स्टोरमा कार्यरत रहेका थिए । उनी हिजो शनिबार साँझ पसल बन्द गरेर घरतर्फ जाँदै गर्दा लहान- ८ निवासी ठेलामा अण्डा बेच्ने राजलाल साह संग समान्य वादविवाद भएको प्रत्यक्षदर्शीहरुले बताए ।
पछाडीबाट धक्का दिएको विषयमा सामन्य बादविवाद भएपछि अन्डा बेच्ने साहले आफ्नो परिवारको सदस्य छोरा / नातीहरुलाई बोलाई मण्डललाई कुटपिट गर्दा गम्भीर घाइते भएको उनको विराटनगर स्थित विराट नर्सिङ होममा मृत्यु भएको बुझिएको छ ।
घटनामा संल्गन रहेको राजलाल साह र उनका नाति भिम साहलाई पक्राउ गरी थप अनुसन्धान गरिरहेको ईलाका प्रहरी कार्यालय लहानले जनाएको छ ।
तपाईको ईमेल गोप्य राखिनेछ