लहान ५, भदौं । सिरहाको सखुवानन्कारकट्टी गाउँपालिका वडा नं. – ५ टोल महेशवारी बस्ने रामचन्द्र चौधरीको आर्थिक सहयोग गर्न सामाजिक संजाल मार्फत अपिल भैरहेको छ ।चौधरीलाई केहीदिन देखि घाँटीमा गाँठो निस्केको र गाँठो सानो हुनुको सट्टा झन बढ्दै गइरहेकोले निजलाई आर्थिक सहयोग गर्न मनकारी हातहरुले सामाजिक संजाल मार्फत सवैमा अनुरोध गरिरहेको छ ।
चौधरीको आर्थिक अवस्था अत्यन्त कमजोर रहेको हुँदा स्थानीय मनकारी (सामाजसेवी) युवा शुभक कुमार यादवले आर्थिक सहयोग गर्न सामाजिक संजाल मार्फत अभियान नै चलाएको छ । चिकित्सकको सल्लाह अनुसार चौधरीलाई समयमा शल्यक्रिया गराएन भने जटिल समस्या आउन सक्छ । निजलाई दैनिक छाक टार्नसमेत समस्या भैरहेको हुँदा उपचारका लागि सहयोग गर्न चाहने सहयोगी मनहरुले रामचन्द्र चौधरीको नाममा रहेको एन. एम. बि. बैंकको खाता नं. ११०००८५३४९८०००१४ मा रकम जम्मा गर्न सक्नेछ ।
यसैबिच कोरोनाको समयमा विपन्न समुदायमा करोडौं बरारबरको राहत बाड्ेर समाजसेवाको क्षेत्रमा छुट्टै पहिचान कायम गर्नुभएका लहान नगरपालिकाका वर्तमान मेयर महेश प्रसाद चौधरीले निजको उपचारको लागि ५१ हजार आर्थिक सहयोग गर्ने प्रतिबद्धता जनाएको छ ।मेयर चौधरीले अहिले सम्मकै ठुलो धनराशि सहयोग गर्ने घोषण गरेपछि पिडित परिवार खुसी भएको छ ।
तपाईको ईमेल गोप्य राखिनेछ