लहान १६, चैत्र । सिरहाको सखुवानन्कारकट्टी गाउँपालिका वडा नम्बर – ५ महेशवारी टोलमा २०७९ चैत्र १४ गते विहान करिव ११ बजे भएको कुटपिटको घटना बाहिरिएको छ ।
जग्गाको साँध सिमानाको विषयमा विवाद हुँदा स्थानीय ईदरिस मियाँ लगायत नाम खुल्न नसकेको केही व्यक्तिले कोदालो र खुकुरी प्रहार गरि मुस्ताकिम मियाँ र उनका छोरा अताउल मियाँलाई गम्भीर घाईते बनाएको मुस्ताकिमका बुवा ईसलाम मियाँले बताए ।
खुकुरी र कोदालो प्रहारबाट गम्भीर घाईते भएका बाउ छोराको विराटनगर स्थित न्युरो अस्पतालमा उपचार भैरहेको छ । दुवैजनाको टाउको फुटेको छ भने हात र शरिरिको अन्य अंगमा गम्भीर चोटपटक लागेको पारिवारिक श्रोतबाट बुझिएको छ ।
ज्यानमार्ने उदेश्यले धारिलो हतियार प्रहार गरिएको पीडित परिवारको भनाई छ । खुकुरी र कोदालो प्रहार गर्ने ईदरिस मियाँलाई ईलाका प्रहरी कार्यालय लहानमा राखेर थप अनुसन्धान गरिरहेको प्रहरीले जनाएको छ ।
तपाईको ईमेल गोप्य राखिनेछ